Jak stała viadoma «NN», vyrabam fejkavaha siužeta dla rasijskaha Pieršaha kanała zajmałasia ahienctva StringersHub. Hetaja kampanija zajmajecca pasiarednictvam pamiž videapieratarami i ŚMI. Naprykład, niedzie adbyvajecca ziemlatrus, ale telekanały nie majuć u toj miascovaści svaich žurnalistaŭ. StringersHub u takim vypadku adšukvaje apieratara, jaki i robić pa zamovie pracu dla peŭnaha ŚMI.
Jakaŭ Buta. Fota vk.com.
Zasnavalnikam StringersHub źjaŭlajecca były žurnalist Biełteleradyjokampanii Jakaŭ Buta.
Jamu 28 hadoŭ, rodam ź Śvietłahorska. Buta vučyŭsia na žurfaku BDU, užo na pieršym kursie pajšoŭ pracavać na BT.
Adznačyŭsia svaim materyjałam za 29 červienia 2011 hoda, kali ŭ efiry BT raskazvaŭ pra pośpiech kancertu BRSM na Kastryčnickaj płoščy. U toj dzień była zapłanavanaja čarhovaja «maŭklivaja akcyja pratestu», jakija prachodzili ŭ krainie ŭsio leta. «Tysiačy ludziej pryjšli na kancert», — kazaŭ Buta, pry hetym nie ŭzhadaŭšy akcyju pratestu.
U 2013 hodzie Jakaŭ Buta zasnavaŭ kamunikacyjnaje ahienctva Like Media, jakoje vyrablała videakantent dla telekanałaŭ, a paźniej startap StringersHub. «Ź pieršaha miesiaca pracy StringersHub — u plusie», — chvaliŭsia Buta.
«NN» źviazałasia ź Jakavam Butam dla atrymańnia kamientara. «Prabačcie, u mianie pakul mała infarmacyi pa dadzienaj temie, u bližejšy čas budziem raźbiracca», — adkazaŭ jon.
Biełarus, jaki vydavaŭ siabie za ŭkrainca na rasijskim TB: Ja nie atrymaŭ ni kapiejki. Mnie biaskonca soramna — heta hańba
