Pres-sakratar premjer-ministra Armienii Nikoła Pašyniana Arman Jehajan abvierh ahienctvu «Novosti-Armienija» zajavu Alaksandra Łukašenki.
U čaćvier Łukašenka ŭ kułuarach Vyšejšaha Jeŭrazijskaha ekanamičnaha savieta ŭ Sankt-Pieciarburhu zajaviŭ žurnalistam, što post hienieralnaha sakratara ADKB piarojdzie da Biełarusi.
Čytajcie taksama: Łukašenka: My vyrašyli prablemu pryznačeńnia hienieralnaha sakratara ADKB. Im budzie biełarus
«Jak viadoma, pasiadžeńnia ADKB nie było. Pazicyja Armienii ŭ hetym pytańni nie źmianiłasia», — skazaŭ Jehajan.
U adnosinach pamiž Armienijaj i krainami ADKB niekalki tydniaŭ tamu paŭstała napružanaść paśla adklikańnia Jerevanam 30 kastryčnika svajho pradstaŭnika Juryja Chačaturava z pasady hienieralnaha sakratara ADKB biez papiaredniaha ŭzhadnieńnia hetych pracedur ź inšymi partniorami pa Arhanizacyi.
Armienija, jakaja źjaŭlajecca dziejučym staršynioj ADKB nastojvaje na pryznačeńni svajho pradstaŭnika, pakolki Juryj Chačaturaŭ adpracavaŭ tolki pałovu sa zvyčajnych troch hadoŭ (termin paŭnamoctvaŭ armianskaha boku minaje ŭ 2020 hodzie). Z hetym nie zhodny, u pryvatnaści, Alaksandr Łukašenka, jaki prapanavaŭ pieradać paŭnamoctvy hienieralnaha sakratara ADKB Biełarusi.
