Kampanija «Kamčackenierha» paviedamiła pra šmatlikija listy ad žycharoŭ Kamčatki, u jakich ludzi admaŭlajucca ad apłaty kamunalnych pasłuh, nazyvajučy siabie «hramadzianami SSSR», paviedamlaje TASS.
Ilustracyjnaje fota.
«My pakul što nie možam padličyć ahulnuju kolkaść takich listoŭ, tamu što jość asobnyja zvaroty ad narodžanych u SSSR žycharoŭ, a jość zvaroty z prafsajuza «Sajuz SSR», — adznačyła daradca hiendyrektara pa infarmacyjnaj palitycy «Kamčackenierha» Alena Simajeva. — Jany prychodziać nie tolki da nas, ale i ŭ «Vodakanał», Fond kapitalnaha ramontu i kirujučyja kampanii. Raniej takija zvaroty byli adzinkavymi, ale ciapier ich stanovicca vielmi šmat. Ludzi pišuć, što jany narodžanyja ŭ SSSR, na ich dziejničaje kanstytucyja SSSR, i płacić za pasłuhi jany nie buduć».
Simajeva udakładniła, što ŭ Pietrapaŭłaŭsku-Kamčackim aktyŭna raspaŭsiudžvajucca ŭlotki, u jakich śćviardžajecca, što kali čałaviek naradziŭsia ŭ SSSR, to jon nie pavinien płacić za pasłuhi ŽKH.
Raniej pra masavyja vypadki admovy ad apłaty kamunalnych pasłuh pa pryčynie siabroŭstva ŭ arhanizacyi «Prafsajuz Sajuz SSR» paviedamlali arhanizacyi Chakasii i Omskaj vobłaści.
