Učora prajšła cyrymonija zakryćcia futbolnaha siezonu — «Zorny miač — 2018». Na joj nazvany najlepšy futbalist Biełarusi 2018 hoda, im staŭ kapitan BATE Ihar Stasievič.
Fota Dźmitryja Bruško, Tut.by
Atrymaŭšy pryz, Ihar Stasievič padziakavaŭ ludziam, jakija zrabili vialiki ŭpłyŭ na jaho futbolnuju karjeru. Siarod ich najvažniejšyja roli zhulali šmathadovy kiraŭnik BATE Anatol Kapski i były nastaŭnik minskaha «Dynama» Uładzimir Žuraviel, što pajšli z žyćcia hetaj vosieńniu, piša Tut.by
Vyniki hałasavańnia siarod viadomych śpiecyjalistaŭ i žurnalistaŭ tradycyjna pravodziŭ «Priessboł». U hałasavańni pryniaŭ udzieł 441 čałaviek, u tym liku žurnalisty «Našaj Nivy».
1. Ihar Stasievič nabraŭ 795 bałaŭ
2. Stanisłaŭ Drahun (BATE) — 768
3. Alaksandr Martynovič («Krasnadar») — 412
4. Pavieł Savicki («Dynama-Brest») — 164
5. Ivan Majeŭski («Astana») — 102.
Stasievič byŭ najlepšym hulcom krainy ŭ 2015 hodzie
Najlepšym biełaruskim trenieram nazvany Viktar Hančarenka, jaki ŭznačalvaje CSKA. Jon nazvany najlepšym trenieram treci raz zapar i vośmy raz z 2008 hoda.
Rumas vystupiŭ na cyrymonii zakryćcia siezona pa-biełarusku
Uśled za Rumasam na biełaruskuju movu pierajšoŭ i ministr sportu Siarhiej Kavalčuk: «Ja taksama pavinien»
