10 śniežnia, u Dzień pravoŭ čałavieka, Małady Front abviaščaje ahulnabiełaruski post‑ haładoŭku, jakaja staniecca zakančeńniem maładafrontaŭskaj kampanii «Kamunizm – pad trybunał!».
Napačatku zavieršyć antykamunistyčnuju kampaniju planavałasia 8 śniežnia, u dzień raspadu SSSR, adnak, praz sud nad moładzievym aktyvistam Alesiem Barazienkam, što maje pačacca ŭ hety dień, zakančeńnie kampanii było vyrašana pieranieści.
Dzień 10 śniežnia byŭ vybrany niezdarma. Mienavita ŭ Mižnarodny dzień pravoŭ čałavieka ŭ Savieckim Sajuzie palityčnyja źniavolenyja zaŭsiody abjaŭlali haładoŭku, patrabujučy ŭsieahulnaj palityčnaj amnistyi. Vymušanyja kanstatavać, što ŭ paraŭnańni z savieckim časam niašmat što źmianiłasia. I zaraz našyja paplečniki znachodziacca za kratami pa palityčnych matyvach, nichto z palitviaźniaŭ tak i nia byŭ reabilitavany.
Małady Front — arhanizacyja moładzi, što ŭ Biełarusi nie zarehistravanaja, a zarehistravanaja ŭ Čechii — prosić usich nieabyjakavych ludziej padtrymać adnadzionnuju haładoŭku za ŭsich, chto pakutavaŭ u saviecki pieryjad i pakutuje ŭ siońniašni čas ad niespraviadlivych, palityčna matyvavanych represij z boku ŭłady.
Dałučycca na postu‑haładoŭki aficyjna možna, dasłaŭšy na poštu Maładoha Frontu list z svaim imiem.
