Žančynie ź Minskaj vobłaści ŭdałosia padmanam atrymać hrošy adrazu u dvuch čałaviek, paviedamlaje horki.info. Charakterna, što hetymi ludźmi byŭ invalid pa zroku i «pravasłaŭnaja znacharka».
Žančyna pryjechała ŭ Oršu, dzie paznajomiłasia z mužčynam, u jakoha była invalidnaść pa zroku. Jana pačała ź im aktyŭna mieć znosiny i navat pasialiłasia ŭ jaho, paśla čaho daviedałasia, što invalid źbiraŭ sa svajoj piensii hrošy na apieracyju. Paśla hetaha machlarka skazała mužčynu, što ŭ jaje ŭ Minsku jość znajomy doktar, jaki zmoža arhanizavać jamu apieracyju na vačach.
Paśla žančyna daviedałasia, što ŭ Horkach jość žančyna, jakaja zajmajecca «lačeńniem» pravasłaŭnymi malitvami. Machlarka prapanavała svajmu novamu aršanskamu siabru źjeździć u Horki — tak jana sprabavała pakazać jamu svajo žadańnie dapamahčy.
U Horkach jana pasiabravała i z žančynaj-znacharkaj: akazałasia, što synu «znacharki» taksama treba prajści lačeńnie.
Machlarka nazvała znajomym datu pryjezdu ŭ Minsk dla abśledavańnia. U znacharki jana zabrała 600 dalaraŭ i 110 biełaruskich rubloŭ, a ŭ aršanskaha invalida — 1000 dalaraŭ. Paśla jana źjechała, kab apłacić miesca ŭ špitali — i tut ža źnikła.
Suprać jaje raspačali kryminalnuju spravu pa artykule «machlarstva».
