38-hadovy minčanin na «Folksvahien Džeta» ŭ stanie ałkaholnaha apjanieńnia niapravilna abraŭ dystancyju da transparta, što ruchaŭsia napieradzie, i ŭjechaŭ u aŭtamabil «Reno Miehan», jakim kiravaŭ 30-hadovy žychar Uzdy.
U vyniku avaryi traŭmy, u tym liku ciažkija, atrymali troje dziaciej: 3, 5 i 8 hadoŭ. Jany špitalizavanyja ŭ Dziaržynskuju balnicu. Starejšaja dziaŭčynka znachodziłasia na piarednim siadzieńni, małodšyja chłopčyk i dziaŭčynka — u dziciačych kresłach na zadnim.
Vinoŭnik avaryi za parušeńni PDR pryciahvaŭsia da adkaznaści ŭžo 19 razoŭ. Ź ich trojčy za kiravańnie ŭ niećviarozym stanie. Ciapier jon moža pazbavicca voli na 7 hadoŭ.
Kiroŭca zatrymany, raspačata kryminalnaja sprava. Mašynu, jakaja naležyła svajačcy parušalnika, kanfiskujuć, a jon zapłacić bujny štraf.
