Alaksandr Zacharčanka. Fota Wikipedia.
U vyniku vybuchu Alaksandr Zacharčanka atrymaŭ minna-vybuchovuju traŭmu hałavy. Pamior jon u balnicy, kudy jaho dastaviła ź miesca zdareńnia achova.
Pa papiarednich dadzienych, paviedamlaje «Kommiersant», vybuchovaje prystasavańnie było zakładziena ŭ adzin z aśviatlalnych pryboraŭ, ustanoŭlenych u kafe, — taršer abo žyrandolu, a ŭ dziejańnie pryvodziłasia zvankom z telefona.
Miarkujecca, što da zabojstva datyčnyja ludzi ź bližejšaha akružeńnia Zacharčanki. Samo kafe, pa papiarednich dadzienych, naležała kiraŭniku jaho achovy. Pa dadzienych siłavikoŭ, biez dapamohi «svaich» ustalavać bombu ŭ im było praktyčna niemahčyma.
Pry hetym miarkujecca, što ŭ momant vybuchu zabojca znachodziŭsia pobač z kafe i bačyŭ, kali padjechaŭ Zacharčanka. Zvanok, jaki inicyjavaŭ padryŭ, jon zrabiŭ, jak tolki toj uvajšoŭ unutr.
Čytajcie taksama: