16 žniŭnia ŭ minskaj parafii Najśviaciejšaj Trojcy (sv. Rocha) na Załatoj Horcy z udziełam arcybiskupa Tadevuša Kandrusieviča prajšła ŭračystaść, u miežach jakoj adbyŭsia ceły šerah cikavych mierapryjemstvaŭ, piša catholic.by
Śviatkavańnie ŭ honar śviatoha apiekuna Minska raspačałosia nietryvijalna dla relihijnaha festu, a mienavita z vystavy retraaŭtamabilaŭ. Pobač z mašynami roznaha pryznačeńnia, jakija jeździli pa staličnych vulicach paŭstahodździa tamu i navat bolš, pracavaŭ taksama całkam tradycyjny relihijny kirmaš — nieadjemny atrybut kožnaha kaścielnaha festu.
Paśla zakančeńnia sv. Imšy ŭdzielniki ŭračystaści prajšli na niadaŭna pieradadzienuju parafii ŭładami horada častku prykaścielnaha ćvintara, dzie napiaredadni festu źjaviłasia šmatfunkcyjnaja dziciačaja prastora ź placoŭkaj dla hulniaŭ. Jana tak spadabałasia arcybiskupu Tadevušu Kandrusieviču, što jon adrazu ž prapanavaŭ śviataram pieršymi jaje vyprabavać i sam padaŭ prykład, sieŭšy na areli razam z hienieralnym vikaryjem Minska-Mahiloŭskaj archidyjacezii biskupam Juryjem Kasabuckim.
Fotarepartaž z parafiljanaha śviata
