Kazać ab skaračeńni terminaŭ płanavaha adklučeńnia haračaj vady pakul rana. Pra heta zajaviŭ siońnia žurnalistam načalnik adździeła pa pracy sa zvarotami hramadzian i ŚMI Ministerstva žyllova-kamunalnaj haspadarki Hienadź Akściłovič, piša BiełTA.
«Pytańnie znachodzicca ŭ stadyi prapracoŭki», - skazaŭ Hienadź Akstiłovič.
Jon taksama padkreśliŭ, što fakty parušeńnia dvuchtydniovaha terminu ŭ hetym hodzie nie zafiksavanyja. «Hety termin praduhledžany techničnym kodeksam ustanoŭlenaj praktyki, i jaho parušeńni ŭ pryncypie mahčymyja, kali taho patrabujuć važkija akaličnaści. Dva tydni nieabchodnyja dla praviadzieńnia kompleksu rabot u metach padrychtoŭki sistem chałodnaha i haračaha vodazabieśpiačeńnia, aciapleńnia da ŭstojlivaj raboty ŭ asieńnie-zimovy pieryjad, — adznačyŭ pradstaŭnik Minžyłkamhasa. — Raboty, mierapryjemstvy, jakija płanujucca ŭ kancy kožnaha aciaplalnaha siezona, dazvalajuć zrabić vysnovu, što jany źjaŭlajucca dastatkova efiektyŭnymi: za apošnija piać hadoŭ nie było surjoznych avaryj, jakija zmušali b na dzień-dva adklučać ad aciapleńnia žyłyja damy».
