Siońnia adbudziecca matč u adkaz kvalifikacyi Lihi Jeŭropy. U Pieciarburhu hulajuć «Zienit» i minskaje «Dynama». Tydzień tamu ŭ Minsku biełaruski kłub siensacyjna razhramiŭ pieciarburžcaŭ ź likam 4:0.
Hulnia siońnia projdzie pry pustych trybunach: stadyjon «Piatroŭski» dyskvalifikavany na matč z-za pavodzinaŭ svaich fanataŭ na raniejšym pajadynku z «Lajpcyham». Praŭda, zaŭziataram «Dynama» vydzielili paru sotniaŭ miescaŭ.
Pačatak a 20-j. Hulnia nie budzie pakazana na «Biełaruś-5», ale kanał «Matč Premjer», dzie jaho buduć pakazvać u Rasii, jość u pakiecie kanałaŭ «Zały».
Siońnia taksama bresckaje «Dynama» zhulaje z kiprskim «Apałonam». Ale tydzień tamu kamanda Maradony prajhrała ź likam 0:4.
Kab trapić u hrupavy turnir Lihi Jeŭropy, treba budzie prajści jašče adzin raŭnd (kvalifikacyja płej-of). Pieramožca matča «Dynama» — «Zienit» zhulaje ź pieramožcam pary «Chibiernian» — Miolde».
