Ukrainski režysior Aleh Siancoŭ, asudžany ŭ Rasii na 20 hadoŭ, nie maje namieru spyniać haładoŭku, choć i ličyć svoj stan «pieradkrytyčnym», raspaviała RBK pravaabaronca Zoja Śvietava. Ź Siancovym jana sustrełasia ŭ kałonii ŭ Łabytnanhi, dzie asudžany za «arhanizacyju teraktaŭ» u Krymie Siancoŭ adbyvaje pakarańnie.
«Jon u ćviarozym rozumie i pamiaci, imkniecca pracavać, čytać. Jon mocny ducham, vieryć, što ŭsio, što jon robić, pravilna», - skazała Śvietava.
Pa słovach pravaabaroncy, Siancoŭ razmaŭlaŭ ź joj kala dźviuch hadzin, siedziačy na kreśle, choć zvyčajna bolšuju častku času lažyć i nie chodzić na prahułki.
«Aleh skazaŭ, što schudnieŭ na 17 kiłahramaŭ, pa słovach miedykaŭ - na 11 kiłahram. Doktar prahnozaŭ nie rabiŭ, ale skazaŭ, što dobra b užo spynić haładoŭku, inakš u Aleha mohuć admović ŭnutranyja orhany», - dadała jana.
Aleh Siancoŭ byŭ asudžany ŭ 2015 hodzie na 20 hadoŭ kałonii strohaha režymu pa abvinavačańni ŭ arhanizacyi dvuch teraktaŭ u Krymie, u padrychtoŭcy jašče da adnaho, a taksama ŭ stvareńni terarystyčnaha supolnaści. 14 maja 2018 hoda Siancoŭ abviaściŭ haładoŭku, patrabujučy adpuścić z rasijskich turmaŭ ukrainskich hramadzian, jakija znachodziacca tam pa palityčnych matyvach.
