Aŭtamabil zaŭvažyli ŭ mielijaratyŭnym kanale ranicaj 12 žniŭnia. U mašynie byli cieły kiroŭcy i pasažyra.
«25-hadovaja dziaŭčyna, kirujučy Nissan Primera kala ahraharadka Raździałavičy Hancavickaha rajona na zakruhleńni darohi nie vybrała biaśpiečnuju chutkaść i nie dała rady kiravańniu. Mašyna źjechała ŭ levy kiuviet i pierakuliłasia ŭ mielijaracyjny kanał», — paviedamlaje milicyja.
Aŭtamabil pahruziŭsia ŭniz dacham, kiroŭca i pasažyr apynulisia pad vadoj. U vyniku DTZ i dziaŭčyna-kiroŭca, i 24-hadovy pasažyr, jaki byŭ na piarednim pasažyrskim siadzieńni, zahinuli. Aboje zahinułych byli pryšpilenyja ramianiami biaśpieki.
Vadzicielskaje paśviedčańnie zahinułaja kiroŭca atrymała ŭ mai hetaha hoda. Raniej dziaŭčyna da administracyjnaj adkaznaści nie pryciahvałasia. Mašyna naležyć baćku zahinułaha chłopca.