Siastra ŭkrainskaha režysiora Aleha Siancova, asudžanaha ŭ Rasii na 20 hadoŭ źniavoleńnia i jaki trymaje 90-dzionnuju haładoŭku, Natalla Kapłan miarkuje, što paviedamleńnie pra toje, što nibyta samalot z palitviaźniem vylecieŭ z Salecharda i mahčyma prybudzie ŭ Kijeŭ, było niečym zły žartam, ci chtości vykarystaŭ žurnalistku Iŭlevu dla dezinfarmacyi.
Pra heta jana skazała ŭ efiry «Hramadskaha radyjo», piša Ukrainskaja praŭda.
Kapłan ličyć, što pryčynaj takoj reakcyi ludziej na paviedamleńnie Viktoryi Iŭlevaj u fejsbuku stała nadzieja.
Pavodle jaje słoŭ, ludzi pačali raspaŭsiudžvać infarmacyju i telefanavać joj i advakatu Siancova, tak spadziavalisia, što heta praŭda.
Siastra palitviaźnia znoŭ paprasiła ŭstrymacca ad niepravieranaj infarmacyi: «Nie treba, kali łaska. Bo kali nadziei prapadajuć, heta značna horš».
Natalla Kapłan dadała, što nie vieryć u teoryi zmoŭ, ale miarkuje, što heta paviedamleńnie było niečym zły žartam, ci chtości vykarystaŭ žurnalistku Iŭlevu dla dezinfarmacyi. Pra toje, chto b moh tak pastupić, jana nie viedaje.
