Nahadajem, što 10 listapada aktyvist niezarehistravanaha Ruchu «Za Svabodu» Jaŭhien Mikulič vypadkova sustreŭsia na vulicy z ekspertam‑kryminalistam Kleckaha RUUS Siarhiejem Kaściukievičam.
Apošni, pa słovach miascovaha aktyvista Siarhieja Panamarova, u hrubaj i źniavažlivaj formie pahražaŭ sp. Mikuliču, što žyćcio jaho i jahonaj siamji stanie nievynosnym.
Paśla hetaha aktyvist źviarnuŭsia ŭ prakuraturu z prośbaj abaranić jaho i jaho siamju. Historyja atrymała rozhałas u Siecivie. Jak paviedamiŭ sp. Mikulič, učora ŭviečary jamu patelefanavali z RUUS i paprasili dazvołu naviedacca da jaho dachaty. Pryjechaŭ asabista kryminalist Siarhiej Kaściukievič. Pa słovach Mikuliča, milicyjant pieraprasiŭ za svaje dziejańni i paprasiŭ zabrać zajavu z prakuratury. Mikuličy admovilisia heta zrabić.
Siońnia Jaŭhiena Mikuliča vyklikali ŭ kleckuju prakuraturu pavodle jaho raniejšaj zajavy.
Naprykancy kastryčnika aktyvista prymusili zdać adbitki palcaŭ, pryhraziŭšy pry hetym štrafam i administracyjnym aryštam u vypadku admovy. Pra ŭsie hetyja fakty Jaŭhien paviedamiŭ u svajoj zajavie na imia prakurora Kleckaha rajona U. Karobka.
U prakuratury ŭ sp. Mikuliča spytali, što jon źbirajecca rabić z zajavaj nakont dziejańniaŭ milicyjanta Kaściukieviča. Na što toj adkazaŭ, što čakaje aficyjnaha razhladu svajoj zajavy i patrabuje harantyjaŭ taho, što jaho i jahonuju siamju nia buduć pieraśledavać pa palityčnych matyvach. U vyniku zajavy Mikuliča abjadnali ŭ adnu spravu.
