Aryštavany eks-prezident Armienii Robiert Kačaran admaŭlajecca davać pakazańni. Pra heta armianskim ŚMI paviedamiŭ kiraŭnik Śpiecyjalnaj śledčaj słužby (SSS) Sasun Chačatrian.
Kačaran byŭ aryštavany ŭ ramkach rasśledavańnia kryminalnaj spravy ab niezakonnym razhonie pratestaŭ apazicyi ŭ 2008 hodzie. Tady ŭłada pierajšła da pierajemnika Kačarana, Sierža Sarhsiana.
Chačatran častkova raskryŭ źmiest sakretnaha zahadu №0038 «Ab vykanańni zadač, pastaŭlenych Viarchoŭnym hałoŭnakamandujučym Respubliki Armienija», jaki byŭ padpisany 23 lutaha 2008 hoda kiraŭnikom Minabarony Armienii Mikaełam Aruciunianam i ciapier trapiŭ u ruki śledstva.
U 2008 hodzie prychilniki kandydata ad apazicyi Lavona Ter-Pietrasiana ładzili masavyja akcyi pratestu na płoščy Svabody ŭ Jerevanie. 1—2 sakavika palicyja žorstka razahnała pratestoŭcaŭ. 10 čałaviek zahinuli, mnohija atrymali ranieńni. Kačaran abviaściŭ 20-dzionnaje nadzvyčajnaje stanovišča, padčas jakoha adbylisia aryšty lidaraŭ apazicyi.
Kačaranu pahražaje da 15 hadoŭ turmy.
