U Biełarusi ŭdaskanalać sistemu dziaržaŭnych zakupak miedycynskaj techniki, vyrabaŭ miedycynskaha pryznačeńnia i lekavych srodkaŭ. Heta pytańnie abmiarkoŭvałasia ŭ Ministerstvie achovy zdaroŭja, paviedamlaje BiełTA sa spasyłkaj na viedamasnuju hazietu «Miedycynski vieśnik».
Havorka idzie pra ŭzmacnieńnie decentralizacyi zakupak. Abłasnym, haradskim i rajonnym vykankamam, arhanizacyjam achovy zdaroŭja daduć paŭnamoctvy samastojna pravodzić zakupki pry strohim kantroli za ŭsimi etapami pracedury. Płanavańnie vydatkaŭ na miedycynskuju techniku, miedykamienty, vyraby miedycynskaha pryznačeńnia pavinna zaviaršycca da 1 vieraśnia, kab arhanizacyi achovy zdaroŭja atrymali finansavańnie pad hetyja zakupki.
Na ŭzroŭni arhanizacyi achovy zdaroŭja možna zakuplać miedycynskuju techniku, vyraby miedycynskaha pryznačeńnia, zapčastki koštam da 49 tysiač rubloŭ.
Darahoje abstalavańnie i zapčastki buduć zakuplać centralizavana, kab źnizić ich košt. Što datyčycca ramontu abstalavańnia, arhanizacyi achovy zdaroŭja buduć samastojna kantralavać pracazdolnaść techniki.
