Fond Sorasa paviedamiŭ pra pierajezd svajho centralnaha ofisa z Budapiešta ŭ Bierlin.
Dabračynnaja fundacyja źviazała hety krok z «represijami» suprać jaje ŭ Vienhryi. Rašeńniu papiaredničała antysorasaŭskaja kampanija ŭrada Orbana. Kansiervatyŭny ŭrad Vienhryi abvinavačvaŭ Sorasa ŭ padtrymcy mihrantaŭ i prapahandzie ultralibieralnych kaštoŭnaściej. U svaju čarhu, sorasaŭcy bačyli ŭ hetaj kampanii rozyhryš antysiemickaj karty pierad vybarami.
Džordž Soras naradziŭsia ŭ habrejskaj siamji ŭ Vienhryi, cudam vyžyŭ u čas Chałakostu. Paśla vajny pierabraŭsia na Zachad, staŭ miljarderam. Pad staraść jon addaŭ na dabračynnaść bolšuju častku svaich dachodaŭ, pryčym pieršyja prahramy dapamohi jon realizavaŭ va Uschodniaj Jeŭropie, na byłoj radzimie. Ciapier jahony fond dziejničaje na ŭsich kantynientach.
U Biełarusi Fond Sorasa padtrymlivaŭ hramadzianskuju supolnaść i nacyjanalnuju kulturu, ale byŭ zakryty jašče ŭ 1997 hodzie.
