Futbolnaja zima vydałasia niečakana bahataj na hučnyja padziei. Samaja hučnaja — źniknieńnie «Krumkačoŭ». ABFF admoviła prajektu Dzianisa Šunto ŭ dopusku da licenzavańnia «z-za nieadnarazovaha parušeńnia terminaŭ padačy dakumientaŭ». Taksama paviedamlałasia ab surjoznych finansavych prablemach kłuba.
Šmatlikija zapeŭnivańni pradstaŭnikoŭ kłuba pra najaŭnaść patencyjnaha inviestara nie zdoleli pierakanać fiederacyju.
Pakul «Krumkačy» vyrašajuć, što rabić dalej, ich miesca ŭ vyšejšaj lizie zaniała minskaje «Tarpieda».
Na surjoznyja pieramieny pajšli i ŭ BATE. Były trenier barysaŭčan Alaksandr Jermakovič staŭ pamočnikam Viktara Hančarenki ŭ CSKA. Na jaho miesca pryjšoŭ nie vychadziec z «žoŭta-błakitnaj» siamji, a Aleh Dułub, jaki niabłaha siabie zarekamiendavaŭ va ŭžo zhadanych «Krumkačach» i ŭkrainskich «Karpatach» z «Čarnamorcam».
Aleh Dułub vyvodziŭ «Krumkačoŭ» u vyšejšuju lihu, a zaraz uznačaliŭ BATE. Fota Siarhieja Hudzilina.
Čas pakaža, nakolki apraŭdanym było takoje rašeńnie, ale matč za Supierkubak barysaŭčanie ŭžo prajhrali bresckamu «Dynama».
U Brest pierajšoŭ adzin z samych talenavitych biełaruskich hulcoŭ — Pavieł Savicki. Kiraŭnictva «Niomana» sprabavała spahnać z «Dynama» 600 tysiač dalaraŭ za pierachod hulca, ale ŭ vyniku pahadziłasia na ŭtraja mienšuju sumu.
Zdajecca, narešcie vyrašanaja prablema ź jakaściu internet-tranślacyj matčaŭ čempijanatu. Ciapier kožnaja hulnia budzie tranślavacca ŭ farmacie HD na sajcie fiederacyi i na tb-kanale «Minsk-TV».
- «Pramień» - FK «Minsk»
- 30.03 / 17:30. Stadyjon FK «Minsk»
- kaeficyjenty: «Pramień» (pieramoha) — 3.72, ničyja — 3.30, «Minsk» (pieramoha) — 2.03
«Pramień» pieramoh u minułym rozyhryšy pieršaj lihi, niahledziačy na štraf u 10 ačkoŭ praz dačynieńnie pradstaŭnikoŭ kamandy da damoŭnych matčaŭ.
Kamanda Ivana Bijončyka kamplektujecca pieravažna maładymi hulcami i zdolnaja na siurpryzy, pieršy ź jakich moža adbycca ŭžo zaŭtra.
«Minsk» zimoj źmianiŭ hałoŭnaha treniera — im staŭ Alaksandr Łuchvič, jaki da hetaha kiravaŭ dublujučym składam «haradžan». Miarkujecca, što kamanda budzie prapaviedavać atakujučy kambinacyjny futboł, a jaje asnovu składuć vychavancy kłuba.
Sparynh «Pramień» — «Minsk». 17 lutaha 2018 hoda. Fota Anatola Redzina.
Varta adznačyć, što ŭ lutym «Pramień» z «Minskam» užo sustrakalisia ŭ tavaryskaj hulni, jakaja skončyłasia ŭničyju. Tamu ŭ startavym matčy čempijanatu vielmi składana vyznačyć favaryta.
- «Nioman» — «Viciebsk»
- 30.03 / 19:30. Hrodna, CSK «Nioman»
- «Nioman» (pieramoha) — 2.09, ničyja — 3.10, «Viciebsk» (pieramoha) — 3.80
U sakaviku «Nioman» musiŭ zhulać z «Krumkačami» ŭ čverćfinale Kubka Biełarusi, ale hetyja matčy tak i nie adbylisia. Hałoŭny trenier haradziencaŭ Ihar Kavalevič zapeŭniŭ balelščykaŭ u tym, što, niahledziačy na stratu Savickaha, kamanda finišuje nie nižej za šostaje miesca. Taksama jon paspračaŭsia z adnym fanatam na čatyry skryni piva na pieramohu ŭ Kubku.
U «Viciebska» ambicyi nie mienš surjoznyja. Kiraŭnictva kłuba vielmi ŭdała papracavała na tranśfiernym rynku, padpisaŭšy dvuch brazilcaŭ i sierba Nienada Adamaviča, jaki vielmi dobra znajomy amataram futboła pa vystupleńniach za minskaje «Dynama».
Nienad Adamavič. Fota: FK «Viciebsk»
U minułym siezonie ŭ dvuch matčach pamiž kamandami z Hrodna i Viciebska była zabita 9 miačoŭ. Futbolnym amataram varta čakać atakujučaj hulni i ciapier.
- «Homiel» — «Słuck»
- 31.03 / 15:00. Babrujsk, stadyjon imia A. Prakapienki
- «Homiel» (pieramoha) — 2.67, ničyja — 3.02, «Słuck» (pieramoha) — 2.79
Abiedźvie kamandy źviedali surjoznyja kadravyja pieramieny ŭ mižsiezońnie. U tym liku sa «Słucku» na poŭdzień Biełarusi pierajechali bramnik Dźmitryj Dudar i abaronca Valeryj Karšakievič.
Słuččakam, jakija dosyć niečakana skončyli minuły čempijanat na siomym miescy, budzie vielmi składana paŭtaryć hety vynik. Tym bolš abarončaja linija kamandy źmianiłasia amal poŭnaściu.
Pierad «Homielem» staić zadača finišavać u pieršaj pałovie tablicy. Miarkujučy pa sabranym składzie, kamanda zdatnaja na heta.
Pravodzić chatnija matčy ŭ Homieli pakul niemahčyma, tamu hulnia adbudziecca na babrujskaj sintetycy.
- «Šachcior» — «Dynama-Brest»
- 31.03 / 17:00. Salihorsk, stadyjon «Šachcior»
- «Šachcior» (pieramoha) — 2.41, ničyja — 3.28, «Dynama-Brest» (pieramoha) — 2.90
Biez anijakich sumnievaŭ, matč tura. Bresckaja kamanda maje namier zaniać miesca «Šachciora» siarod favarytaŭ siezona. «Dynama» ŭžo zavałodała Supierkubkam i ŭpeŭniena vyjšła ŭ paŭfinał Kubka Biełarusi. U Breście, zdajecca, usio dobra.
Fota Alaksandra Sacharčuka.
«Šachcior» ža z rozyhryšu Kubka siensacyjna vylecieŭ. U salihorskich balelščykaŭ jość šmat pytańniaŭ da hałoŭnaha treniera Mareka Zuba i spartovaha dyrektara kłuba Dźmitryja Chachłova. Ale ŭ kamandzie źjavilisia surjoznyja navički, tamu vyklučać «Šachcior» z pretendentaŭ na čempijonstva pakul rana.
- «Dynama-Minsk» — «Tarpieda-BiełAZ»
- 31.03 / 19:00. Stadyjon FK «Minsk»
- «Dynama-Minsk» (pieramoha) — 1.68, ničyja — 3.34, «Tarpieda-BiełAZ» (pieramoha) — 5.90
Jašče adna zajaŭka na status matča tura. Minskaje «Dynama» sustrakajecca z kamandaj, jakuju ŭpeŭniena možna nazvać cieniavym favarytam čempijanatu.
U minułym hodzie «Dynama» jak nikoli blizka było da viartańnia čempijonstva, i płany na hety siezon u padnačalenych Siarhieja Hurenki nie mienš ambitnyja. Trenier zaprasiŭ u kamandu dobra znajomych hulcoŭ i ŭziaŭ adkaznaść za vyniki na siabie.
Šmat čaho možna čakać ad «Tarpieda-BiełAZ». Aleh Kubaraŭ na dźvie traciny abnaviŭ skład kamandy, surjozna jaje amaładziŭšy. Na sustrečy z zaŭziatarami śpiecyjalist vykazaŭ nadzieju, što hety skład zdolny zavajavać miedali i trafiei.
- «Isłač» — «Tarpieda-Minsk»
- 01.04 / 14:00. Stadyjon FK «Minsk»
- «Isłač» (pieramoha) — 1.65, ničyja — 3.76, «Tarpieda-Minsk» (pieramoha) — 5.20
Kali b nie było pieramienaŭ u składzie kamand vyšejšaj lihi, to ŭ pieršym ža tury možna było b stać śviedkami pryncypovaj hulni pamiž «Isłačču» i «Krumkačami». Zaraz ža kłub ź Minskaha rajona stanie pieršym supiernikam staličnaha «Tarpieda» paśla viartańnia ŭ vyšejšuju lihu.
Padnačalenyja Vitala Žukoŭskaha spakojna praviali mižsiezońnie, źlataŭšy na zbor u Turcyju i nie źviedaŭšy surjoznych kadravych pierturbacyj. U sakaviku «Isłač» praviała dźvie kubkavyja hulni, u jakich pradkazalna nie zdoleła prajści BATE.
«Tarpieda» ž rychtavałasia da siezona ŭ Biełarusi. Paśla atrymańnia licenzii na ŭdzieł u vyšejšaj lizie «aŭtazavodcy» padpisali dvuch lehijanieraŭ z Rasii. Mahčyma, u najbližejšyja dni kamandu taksama čakaje papaŭnieńnie.
- «Haradzieja» — «Dniapro»
- 01.04 / 16:00. Haradzieja, stadyjon «Haradzieja»
- «Haradzieja» (pieramoha) — 2.00, ničyja — 3.28, «Dniapro» (pieramoha) — 3.85
Naŭrad ci ad hetych kamand varta čakać surjoznych dasiahnieńniaŭ u siezonie. Ale mahiloŭcy ŭžo paśpieli vybić «Šachcior» z Kubka Biełarusi i ŭ dobrym nastroi čakajuć pieršaj hulni čempijanatu.
Treba adznačyć, što «Haradzieju» ŭ jaje doma pieramahčy amal niemahčyma. Apošni raz heta zdarałasia 1 krasavika minułaha hoda ŭ pieršaj hulni čempijanatu-2017.
Taksama ŭ Haradziei ledź nie straciŭ čempijonstva barysaŭski BATE, zdoleŭšy vyrvać «załatuju» ničyju tolki ŭ dadadzieny arbitram čas.
- BATE — «Smalavičy»
- 01.04 / 18:00. Barysaŭ-Arena
- BATE (pieramoha) — 1.13, ničyja — 8.30, «Smalavičy» (pieramoha) — 18.50
Jašče adnamu debiutantu vyšejšaj lihi vypaŭ, badaj, samy surjozny ispyt — sustreča z BATE. Paśla parazy ŭ Supierkubku barysaŭčanie davoli ŭpeŭniena prajšli čverćfinalnuju stadyju Kubka Biełarusi i ŭ piaty raz padpisali Alaksandra Hleba.
Prablem u matčy sa «Smalavičami» ŭ hulcoŭ Aleha Dułuba ŭźniknuć nie pavinna. Naohuł, zdajecca, što navičok «vyški» — adzin z hałoŭnych pretendentaŭ na vylet pa vynikach čempijanatu. Treba budzie prykłaści šmat namahańniaŭ, kab hetaha nie adbyłosia.
Fota Siarhieja Hudzilina.
Niahledziačy na nie samaje viasnovaje nadvorje, znajdzicie paru hadzin dla pachodu na hulniu svajoj ulubionaj kamandy. A kab zrabić heta jašče bolš cikavym, raim zrabić staŭku ŭ Bukmiekierskaj kantory Marafon!
