Niekalki maładych ludziej pabilisia na adnoj z aŭtazapravak u Viciebsku, paviedamlaje ABW.
Spačatku kampanija siadzić za stolikam, užyvaje piva, da ich padychodziać maładyja ludzi ŭ kurtkach, adbyvajecca niejkaja napružanaja razmova, zatym adzin z chłopcaŭ atrymlivaje žorstki ŭdar u tvar i padaje na padłohu. Nad im schilajecca dziaŭčyna.
Dalej bojka pieramiaščajecca ŭ handlovuju zału, dzie adzin z chłopcaŭ ad udaru padaje na stełažy z tavaram, a zatym na padłohu i doŭha nie varušycca. U kadr traplajuć i inšyja ŭdzielniki bojki.
Sama bojka, jak vyśviatlajecca, adbyłasia ŭ kaladnuju noč, 7 studzienia, paviedamlaje pradstaŭnik UUS Viciebskaha abłvykankama Volha Škuratava.
Paźniej vyśvietliłasia, što ŭsie ŭdzielniki kanfliktu byli pamiž saboj znajomyja i pisać zajavu ŭ milicyju nie źbiralisia. Tym nie mienš za dziejańni, jakija parušajuć hramadzki paradak i spakoj hramadzian, jany byli pryciahnuty da administracyjnaj adkaznaści za chulihanstva.