«Hałoŭnyja falsyfikacyi byli padčas padliku hałasoŭ, — zaznačyŭ adzin ź lideraŭ hrodzienskaj abłasnoj kaalicyi Abjadnanych demakratyčnych sił (ADS) Siarhiej Malčyk 29 vieraśnia na pres-kanfierencyi ŭ Hrodnie. — U kamisijach rabili vyhlad, što ličyli, a realna zapisvali tyja ličby, jakija im byli spuščany źvierchu. Nas nie bili, nas nie aryštoŭvali padčas vybarčaj kampanii, ale padlik hałasoŭ prachodziŭ jak zaŭsiody».
Čatyry pradstaŭniki ADS, jakija bałatavalisia ŭ troch akruhach Hrodna i ŭ Hrodzienskaj-Sielskaj, — Jarasłaŭ Ramančuk i Viktar Padčynienkaŭ z Abjadnanaj hramadzianskaj partyi, a taksama členy Partyi BNF Vadzim Sarančukoŭ i Siarhiej Antusievič taksama kanstatavali, što vybary nie byli sumlennymi i prazrystami, a ŭmovy dla sustreč z vybarščykami akazalisia niaroŭnymi. Adnak samaje hałoŭnaje: bieskantrolna prajšło daterminovaje hałasavańnie, hałasavańnie doma i padlik hałasoŭ. Va ŭčastkovych kamisijach nie było nivodnaha pradstaŭnika apazicyi, a ŭ trynaccaci akruhovych — tolki dva, jakija nie mahli prakantralavać praces padliku hałasoŭ paśla zakančeńnia vybaraŭ.
