Milicyja apublikavała fotarobat mierkavanaha napadnika. Jaho achviarami stali dźvie žančyny ŭ mikrarajonie Sierabranka.
Ciapier milicyja šukaje ahresara. Jamu na vyhlad 18—25 hadoŭ, jeŭrapiejski typ tvaru, rost 170—175 sm, chudarlavaha ciełaskładu, vočy prykryty. Byŭ apranuty: kurtka macierčataja (mierkavana bałonievaja) daŭžynioj da vierchniaj častki ściahna, z kapiušonam, koler kurtki kambinavany (vierch i kapiušon mierkavana siniaha albo ciomna-siniaha koleru, niz — ciomna-šeraha albo čornaha koleru), mahčyma, majucca kasyja kišeni, šalik (abjomny, doŭhi, viazany) ciomnaha koleru, ciomnyja (sinija, ciomna-sinija, čornyja) džynsy, ciomny abutak spartyŭnaha typu sa śvietłaj padešvaj i viertykalnaj śvietłaj pałasoj zzadu.
U pieršym vypadku mužčyna mieŭ pry sabie kuchonny nož z ručkaj błakitnaha koleru, u druhim — składany nož z płastykavaj ručkaj ciomnaha koleru.
Kali vy paznali mužčynu, namalavanaha na fota i videa, abo paciarpieli ad jaho dziejańniaŭ, prosim źviartacca ŭ Leninskaje RUUS h. Minska albo pa telefonach: 8 (029) 169-46-19; 8 (029) 669-49-32, albo 102.
