Pieramovy pa hazie iduć niaprosta, prablema siońnia vyrašana napałovu. Pra heta deputatam u Pałacie pradstaŭnikoŭ paviedamiŭ pieršy vice-premjer Uładzimir Siamaška, piša Tut.by.
Jon adznačyŭ, što krasavickija damoŭlenaści z Rasijaj dazvolili poŭnaściu vyrašyć prablemu z naftaj, ale pieramovy pa hazie ab formule cenaŭtvareńnia na 2020—2024 hady praciahvajucca.
Siamaška nahadaŭ, što ŭ hetym hodzie haz Biełaruś kuplaje pa 143,6 dalara za tysiaču kubamietraŭ, u 2018 hodzie košt składzie 129 dalaraŭ, u 2019 hodzie - 127 dalaraŭ za tysiaču kubamietraŭ.
«My viadziem pieramovy na pradmiet formuły cany na 2020—2024 hady, kab da 1 studzienia 2025 hoda vyjści na adziny rynak hazu i nafty, heta značyć cana na haz na miažy Biełarusi pavinna być na ŭzroŭni cany hazu dla Smalenskaj vobłaści. Siońnia jaho košt u 2-2,1 razu vyšejšy», - adznačyŭ Siamaška.
U vyniku, adznačyŭ pieršy vice-premjer, niahledziačy na intehracyjnyja pracesy, biełaruskija vytvorcy kuplajuć haz istotna daražej za rasijskich kankurentaŭ, i «niemahčyma havaryć ab roŭnaj kankurencyi».
