Miadzielskaja milicyja šukaje 19-hadovuju Alaksandru Chutrenka, nastaŭnicu anhlijskaj movy, jakaja zvolniłasia sa škoły, 16 listapada źjechała ŭ Minsk i źnikła.
Načalnik adździaleńnia kryminalnaha vyšuku Miadzielskaha rajonnaha adździeła ŭnutranych spraŭ Alaksandr Kabiak raspavioŭ kraj.by:
- Dziaŭčyna rodam z Žabinki Bresckaj vobłaści. Na Viciebščynie jana skončyła piedahahičny kaledž i ŭ vieraśni pryjechała da nas pracavać pa raźmierkavańni. Vykładała anhlijskuju movu ŭ miadzielskaj SŠ №1. Zdymała pakoj. U listapadzie jana pierastała vychodzić na pracu, 15-ha zvolniłasia sa škoły, 16-ha źjechała ŭ Minsk u pošukach novaj pracy. Paśla hetaha jaje miescaznachodžańnie nieviadoma. Dziaŭčyna nie vychodzić na suviaź, u tym liku nie telefanuje maci ŭ Žabinku.
Pa słovach Alaksandra Kabiaka, ustanoŭlena, što Alaksandra Chutrenka, pryjechaŭšy ŭ Minsk 16 listapada, nakiravałasia da svajoj siabroŭki. Hetaja siabroŭka potym pryjazdžała ŭ Miadzieł i raspaviała supracoŭnikam milicyi, što Alaksandra pakinuła ŭ jaje svaje rečy. Ale dziaŭčaty pasvarylisia, i Chutrenka syšła, nie skazaŭšy kudy i nie paviedamiŭšy pra svaje płany.
