Zaviaršyć abstalavańnie miescaŭ ahulnaha karystańnia (MAK) u staličnym žyłfondzie enierhaźbierahalnymi lampačkami płanujecca ŭ 2018 hodzie. Pra heta, jak pieradajuć «Minsk-Naviny», paviedamiŭ žurnalistam hałoŭny inžynier HA «Minskaja haradskaja žyllovaja haspadarka» Ihar Hančaryk.
Jon rastłumačyŭ, što tolki z pačatku 2017-ha ŭ MAK u žyłych damach stalicy ŭstalavana 57 tysiač śviatłodyjodnych śviacilniaŭ. Takija mierapryjemstvy dajuć prykmietny efiekt: ekanomicca da 40% elektraenierhii na aśviatleńnie hetych miescaŭ u paraŭnańni z tym časam, kali tam stajali lampački napalvańnia.
Hančaryk padkreśliŭ, što pačynajučy z 2010 hoda ciepłaspažyvańnie ŭ stalicy trymajecca na adnym i tym ža ŭzroŭni, niahledziačy na toje, što kolkaść žyłych damoŭ pastajanna pavialičvajecca. Heta adbyvajecca dziakujučy šerahu mierapryjemstvaŭ, jakija padvyšajuć enierhaefiektyŭnaść žylla i źnižajuć ciepłastraty.
