Pakul eŭrapiejskija navukoŭcy zapuskajuć Vialiki hadronny kałajder, ich rasiejskija kalehi pracujuć nad zbrojaj vysokaj mahutnaści.
Hieneratar, mahutnaść jakoha adpaviadaje jadziernamu reaktaru, moža vyzvać novuju navukova‑techničnuju revalucyju ŭ roznych halinach navuki, adnak jaho pieršymi karystalnikami stanuć, chutčej za ŭsio, vajskoŭcy.
«Jašče nichto nie sprabavaŭ vyvučyć nastupstvy ŭździejańnia elektramahnitnaha vypramieńvańnia takoj mocy na žyvyja arhanizmy»? — kažuć navukoŭcy.
Dyrektar instytutu fizyki imia Lebiedzieva, akademik Hienadź Miesiac śćviardžaje, što prybor «hieneruje enerhiju vializarnaj mahutnaści — da niekalkich miljonaŭ vat. Sam impuls vielmi karotki, što robić mahčymym pabudovu pryboraŭ małoha pamieru — takich, jakija zmohuć źmiaścicca na piśmovym stale».
Stvaralniki hieneratara kažuć, što ŭžo pabudavany dva ŭzory — adzin bolšy, druhi mieniej. «Rasiejski prybor ŭ dziesiać razoŭ mahutniejšy, čym luby zamiežny analah». Novy prybor niemahčyma sfatahrafavać ci zrabić videazapis jaho ŭ dziejańni — hieneratar u momant psuje ŭsie navakolnyja elektraprybory. Navukoŭcy vymušanyja ekranizavać ad jaho ŭsiu techniku, ŭ tym liku kamputary i mabilnyja telefony.
Pra mahčymaść sfatahrafavać prybor stužkavym zdymačom nie paviedamlajecca.
pavodle MIGnews
