Zaŭtra, 13 vieraśnia, na čas śviatkavańnia Dnia horadu pierakryjuć ruch ad MKAD pa ŭsim praspekcie Pieramožcaŭ (kolišnim Mašerava) i dalej pa vulicy Lenina da praspektu Niezaležnaści (b. Skaryny). Taksama nielha budzie prajechać pa byłoj Jerusalimskaj — ciapier praspekcie Mašerva miž praspektam Pieramožcaŭ i Staražoŭskaj vulicaj.
U suviazi z hetym ad 10:30 da 16:30 inšymi maršrutami pojduć aŭtobusy 1, 29, 44, 63, 73, 77, 91, 136, 576 i 589, tralejbusy 10 i 39 skarociać, a 21 i 67 skasujuć.
Źmieny ŭ ruchu aŭtobusaŭ:
• № 1 z pr-tu Niezaležnaści paviernie na Haradzki Vał, dalej pojdzie pa Ramanaŭskaj Słabadzie, Kalvaryjskaj, Cimirazieva da DS «Viaśnianka»;
• № 63 z pr-tu Dziaržynskaha — na Kłary Cetkin, tady ŭprava na Kalvaryjskuju, uniz pa Ramanaŭskaj Słabadzie naprava na Niamihu j dalej pa zvykłym maršrucie;
• № 73 ź Miaśnikova taksama paviernie na Kłary Cetkin i pojdzie dalej pa Cimirazieva;
• № 91 z Bahdanoviča pajedzie na Niamihu, paviernie na Ramanaŭskuju Słabadu, i dalej praz Kalvaryjskuju j Cimirazieva pakiruje na DS «Viaśniańka»
• № 29 z Mašerava (b. Varvašeni) cieraz karotkija ŭčastki vulicy Daŭmana, Staravilenskaha traktu j Charužaj vyjedzie na Čarviakova, adtul paviernie na Arłoŭskuju i dajedzie da pr-tu Puškina.
• № 44 i 136 dajeduć da Arłoŭskaj taksama, jak 29-ty, a dalej u pasiołak Ždanovičy pajeduć pa vulicy Cimirazieva.
• № 77 skarocicca na niekalki prypynkaŭ i budzie razvaročvacca na 2-m kalcy.
• ekspresnyja aŭtobusy № 576 i 589 taksama ad Arłoŭskaj pajeduć da Ždanovičaŭ pa Cimirazieva.
Źmieny ŭ ruchu tralejbusaŭ:
• № 21, jaki padvoziŭ žycharoŭ Masiukoŭščyny da Centru tenisa, u čas śviatkavańniaŭ uvohule pracavać nia budzie.
• Časova skasujuć i časovy tralejbusny maršrut № 67, jaki ź siaredziny lipienia chadziŭ ź Viaśnianki ŭ Masiukoŭščynu.
DAI taksama papiaredziła, što časova abmiažuje ruch z 21:30 da 22:30 pa praspektach Pieramožcaŭ i Mašerava ŭ rajonie steły «Miensk — horad-hieroj», i paraiła šukać aŭtamabilistam inšych šlachoŭ.