Užo siońnia nie składaje asablivaj ciažkaści vyznačyć kandydataŭ ad ułady i mierkavanych pieramožcaŭ na bolšaści vybarčych učastkaŭ. Adnak majucca i akruhi, dzie vypraboŭvajucca novyja technalohii vybarčaje manipulacyi.
Eksperymentalnyja akruhi
U śpisach kandydataŭ značycca 35 proźviščaŭ siońniašnich deputataŭ pałaty. Siarod ich Aleh Vialička, Uładzimier Zdanovič, Uładzimier Adaškievič, Michaił Rusy, Michaił Arda, Taciana Hołubieva, Viktar Huminski, Halina Jurhilevič. Adnak heta našmat mienš, čym pieraabirałasia minuły raz, dyjo daloka nia ŭsie 35 siońnia mohuć być upeŭnienymi, što patrapiać u parlament novaha sklikańnia.
Voś pasprabuj vyznačyć, chto idzie pa łukašenkaŭskim śpisie ŭ Viciebskaj-Čkałaŭskaj akruzie – deputat Alaksandar Hudkoŭ ci hałoŭny doktar Viciebskaj kliničnaj balnicy Viktar Aŭčyńnikaŭ?
Absalutna analahičnaja sytuacyja ŭ Vialejska-Miadzielskaj akruzie, dzie za mandat buduć zmahacca deputat Viktar Anikiejenka i hałoŭny doktar miascovaj rajonki Ihar Śpilničenka.
Toje ž u Horkach: z deputatkaj Tacianaj Asmałoŭskaj kankuruje hałoŭny lekar Mścisłaŭskaj rajbalnicy Alena Karajed, ale ŭ hetaj akruzie jašče jość vyłučeniec ADS Andrej Jurkoŭ.
Cikavaja sytuacyja nazirajecca pa Kalinoŭskaj akruzie stalicy, dzie vyłučajecca Volha Abramava, supiernikam ža ŭ jaje hałoŭny vučony sakratar Akademii navuk Mikałaj Kazak.
U Iŭi vybar budzie miž deputatam Uładzimieram Barščovym i namieśnicaj staršyni Ašmianskaha rajvykankamu Valancinaj Łuzynaj (kandydata ad apazycyi, byłoha palitviaźnia Ivana Kruka nie zarehistravali).
U Bychavie deputat Aleh Sakadyniec budzie zmahacca z dyrektaram rajonnaha centru sacyjalnaha absłuhoŭvańnia Valancinaj Haryłovič.
Nia vyklučana, što hetyja deputaty, choć i nie patrapili ŭ mierkavany śpis nastupnych abrańnikaŭ, ale nie pahadzilisia z svajoj dolaj. Jość i inšaja versija. Pravieryć, za kaho ludzi lepš hałasujuć: za dziejsnych deputataŭ ci pradstaŭnikoŭ miascovych uładaŭ. Varta adznačyć, što pa takich akruhach amal nidzie nie rehistravali vyłučencaŭ ADS. Napeŭna, dla čyścini eksperymentu.
Viciebskaja hrupa
Istotnyja źmieny pa vybarach čakajucca ŭ viciebskim kiraŭnictvie. Miarkujcie sami: u deputaty pałaty balatujucca staršynia abłvykankamu Ŭładzimier Andrejčanka (Hłybokaje), jahony namieśnik Piotar Južyk (Połacak), staršynia kamitetu pryrodnych resursaŭ abłvykankamu Vasil Bajkoŭ (Viciebskaja viaskovaja), staršynia Viciebskaha harsavietu Hienadź Hryckievič (Viciebskaja-Horkaŭskaja akruha). Aproč hetaha na Viciebščynie balatujucca niekalki staršynia rajvykankamaŭ – Čašnickaha, Pastaŭskaha.
Što da Andrejčanki, to heta staražył uładnaj vertykali. Na svajoj pasadzie jon pracuje ad listapadu 1994 hodu, nichto ź jahonych kalehaŭ tak doŭha u “hubernatarskim” kreśle nie zatrymlivaŭsia. Ciapier ža Andrejčanku chočuć pieravieści na hanarovaje miesca deputata pałaty.
Darečy,
pavodle čutak mienavita Andrejčanka budzie vice-śpikieram parlamentu novaha sklikańnia.Da słova, Papkoŭ nie adziny pradstaŭnik Administracyi, jaki choča stać deputatam. Pa Maładečanskaj viaskovaj akruzie na biezalternatyŭnaj asnovie idzie načalnik hałoŭnaha ŭpraŭleńnia kadravaj palityki Administracyi pensijaner Uładzimier Siniakoŭ. Nie adnych ich vypraŭlajuć u parlament na hanarovuju pensiju.Nu a staršyniom pałaty moža stać jašče deputat ad Viciebskaj vobłaści – Alakandar Papkoŭ. Namieśnik kiraŭnika Administracyi prezydenta balatujecca ŭ Siańnie-Loźnie.
Pa kryčaŭskaj akruzie balatujecca načalnik adździełu pa idealahičnaj pracy Upraŭleńnia spravami prezydenta Tamara Biełkina.
Čakajucca źmieny ŭ kiraŭnictvie i inšych abłaściej, aproč Mienščyny i Bieraściejščyny. Naprykład, na Homielščynie ŭ baraćbu za deputacki mandat ustupili staršynia harvykankamu Alaksandar Bialajeŭ (Homielskaja-Sialmašaŭskaja), staršynia rajvykankamu Ŭładzimier Majoraŭ (Homielskaja viaskovaja) i hałoŭny daradca staršyni abłvykankamu Hieorhij Daškievič (Chojniki).
U pałatu pasłali i adyjoznaha dla intelihiencyi staršyniu Haradzienskaha harvykankamu Alaksandra Antonienku (Haradzienskaja-Zaniomanskaja).Vyłažyŭ karaleŭski horad plitačkaj – u stalicu jaho. Taksama iduć na vybary dva namieśniki Ŭładzimiera Saŭčanki pa Haradzienskim abłvykankamie – Vasil Ściapura (Masty) i Maryja Birukova (Ščučyn). Pryčym, abiedźvie akruhi zastalisia im biezalternatyŭnymi paśla nierehistracyi apazycyjnych kandydataŭ.
Namieśnik staršyni Mahiloŭskaha abłvykankamu Anatol Hłaz balatujecca ŭ Babrujskaj viaskovaj akruzie, a staršynia Mahiloŭskaha rajvykankamu -- Alaksandar Rozhanaŭ pa Mahiloŭskaj viaskovaj.
Asabliva zasłužanyja
Usio idzie da taho, što novaha kiraŭnika pa vybarach atrymaje i Biełaruskaja čyhunka. Siońniašni jaje načalnik Uładzimier Žareła budzie sprabavać prabicca ŭ pałatu ŭ Voršy (viadomy čyhunačny vuzieł krainy).
Źviartaje na siabie ŭvahu vyłučeńnie ŭ Miensku pa Partyzanskaj akruzie dyrektarki PTV №55 budaŭnikoŭ Tamary Ščarbacevič. Mienavita hetaja žančyna ŭ 2003 hodzie była pryznačanaja dyrektarkaj Humanitarnaha liceju imia Jakuba Kołasa, kali jaho chacieli zrujnavać.Nieŭzabavie Licej spyniŭ svajo lehalnaje isnavańnie. Pra Ščarbacevič ža nie zabyli. Vidać, kaštoŭny kadar.
Značnuju častku praŭładnych vyłučencaŭ składajuć hałoŭnyja daktary balnic i špitaloŭ, dyrektary škoł i kaledžaŭ, pradstaŭniki ŽKH i BRSM, staršyni sudoŭ i vajennyja kamisary, redaktary “rajonak” i supracoŭniki bujnych pradpryjemstvaŭ (apošnija najčaściej u Miensku).
