U nastupnym hodzie 22 žniŭnia, u dzień uspaminu Najśviaciejšaj Panny Maryi Karalevy, u Brasłaŭskim sanktuaryi Maci Božaj Vaładarki azioraŭ adbudziecca ŭračystaja karanacyja cudoŭnaha abraza Maci Božaj Brasłaŭskaj papskimi karonami. Va ŭračystaści prymuć udzieł pradstaŭniki Vatykanu.
Hetaj vialikaj padziei budzie papiaredničać hruntoŭnaja padrychtoŭka. Dla ŭmacavańnia i adnaŭleńnia viery i pabožnaści siarod viernikaŭ na praciahu ŭsiaho hodu ŭ Viciebskaj dyjacezii buduć pravodzicca rekalekcyi, plenumy, parafijalnyja misii, pilihrymki i inšyja mierapryjemstvy. Kožny miesiac śviatary i vierniki adnaho z dekanataŭ Viciebskaj dyjacezii (składajecca z 10‑ci dekanataŭ) buduć naviedvać sanktuaryj u Brasłavie, kab addać pašanu Maci Božaj u abrazie Vaładarki Azioraŭ.
Na praciahu ŭsiaho času padrychtoŭki da hetaj uračystaj padziei vierniki Viciebskaj dyjacezii buduć mieć mahčymaść malicca pierad kopijaj abraza Maci Božaj Brasłaŭskaj u svaich damach.
