Alaksandra Sasnovič.
Premija Heart Award uručajecca ad 2009 hoda. Joj uznaharodžvajuć tenisistak, jakija pradstaŭlajuć svaju krainu na Kubku Fiederacyi i pry hetym źjaŭlajucca prykładam advahi na korcie i addanaści kamandzie.
Sioleta Alaksandra Sasnovič u składzie nacyjanalnaj zbornaj abyhrała hałandskich tenisistak Kiki Biertens i Michaełu Krajčak, a taksama šviejcarak Viktoryju Hałubič i Cimiea Bačynski.
Darečy, u krasaviku 2017-ha premiju Heart Award uručyli jašče adnoj biełaruscy — Arynie Sabalenka. U 2011 hodzie ŭładalnicaj hetaj premii była Viktoryja Azaranka, piša «Jeŭraradyjo».
Kamientujučy ŭznaharodžańnie, Sasnovič zajaviła, što heta stała dla jaje niečakanaściu.
«Paśla pieršaj pieramohi ja nakiravała srodki ŭ pamiery 6500$ na reabilitacyju za miažoj paśla ciažkaj chvaroby maleńkaha chłopčyka z Hrodna.
Ciapier ja znachodžusia ŭ rozdumach, bo ŭ mianie jość niekalki varyjantaŭ, kudy nakiravać hrošy: nabyć śpiecyjalny vazok dla biełaruskaha tenisista-vazočnika; zakupić tenisny invientar ŭ adzin z rehijonaŭ Biełarusi; adpravić srodki ŭ biełaruski fond raźvićcia tenisa dla akazańnia materyjalnaj dapamohi junym tenisistam», — cytuje by.tribuna.com płany, jakimi padzialiłasia spartoŭka.