8 červienia adbudziecca prezientacyja biełaruskaha pierakładu knihi parahvajskaha piśmieńnika Chuana Manuela Markasa. Raman «Zima Hiuntera» u pierakładzie Vasila Piesieńki sioleta źjaviŭsia ŭ vydaviectvie «Halijafy». U roli maderatarki padziei vystupić paetka Volha Hapiejeva.
Raman «Zima Hiuntera» staŭ hałoŭnaj źjavaj kulturnaha žyćcia Parahvaja za apošnija tryccać hadoŭ. Tvor, vydadzieny ŭ 1987 hodzie, byŭ pierakładzieny bolš čym na sorak movaŭ śvietu.
Chuan Manuel Markas naradziŭsia ŭ 1950 hodzie ŭ Asunśjonie. Pa siońnišni dzień jon zastajecca samym znanym u śviecie piśmieńnikam z Parahvaja, itelektualnym aryjenciram krainy.
Prazaik, publicyst, litaraturny krytyk dy aŭtar piesień na narodnuju muzyku, Markas byŭ adnym z samych zaciatych praciŭnikaŭ dyktatarskaha režymu Alfreda Strośniera.
Ad 1973 da 1987-ha jaho pieraśledavali za palityčnyja pierakanańni, piśmieńnik zaznaŭ aryšty i katavańni, a paźniej byŭ vymušany žyć u vyhnańni.
U 1989 hodzie paśla padzieńnia dyktatury piśmieńnik viarnuŭsia na radzimu, dzie praz dva hady zasnavaŭ pryvatny ŭniviersitet, jaki i pa siońnišni dzień karystajecca najvialikšym prestyžam u Parahvai.
Raman «Zima Hiuntera» — heta apovied pra los chałodnaha supracoŭnika Suśvietnaha banka, parahvajca niamieckaha pachodžańnia, Hiuntera i jaho žonki, Elisy Linč, pryhožaj i pačućciovaj žančyny afraamierykanskaha pachodžańnia.
Padziei adbyvajucca ŭ Parahvai (adnak u knizie niama pramoha zhadvańnia miesca dziejańnia) padčas praŭleńnia dyktatara Strosnera.
Adna z pryčyn, pa jakoj hieroi znachodziacca ŭ Parahvai, — nieabchodnaść vyratavać ad pieraśledaŭ, turemnaha źniavoleńnia i katavańniaŭ ich plamieńnicu, jakoj ułada pahražaje z-za jaje vieršaŭ, prasiaknutych luboŭju da krainy dy zaklikam da svabody i demakratyi.
Razam z hierojami čytač traplaje ŭ vir paŭdniovaamierykanskaj vajskovaj dyktatury, dzie adzinaja nadzieja na zbavieńnia — niepieramožny idealizm moładzi.
Kniha maje niezvyčajnuju apaviadalnuju strukturu, jaje vyłučaje šmatsłojnaść i kalejdaskapičnaść — adna scena niečakana źmianiajecca inšaj, a palityka-sacyjalnaje hučańnie pierabiviecca detektyvam.
Heta palifaničny tekst, u jakim pa-majstersku spałučajucca avanhardnyja litaraturnyja techniki i rysy postmadernizmu. Ahułam, «Zima Hiuntera» nie zhubiła svajoj aktualnaści navat praz tracinu stahodździa i budzie cikavym adkryćciom dla biełaruskich čytačoŭ.
Prezientacyju biełaruskaha pierakłada ramana projdzie 8 červienia a 19.00 u halerei sučasnaha mastactva «Ŭ» (Niezaležnaści 37a).
