Była spynienaja karupcyjnaja dziejnaść hienieralnaha dyrektara pradpryjemstva «Ivacevičdreŭ», pieradaje BIEŁTA sa spasyłkaj na KDB.
Vyjaŭlena, što Uładzimir Šulha z karyślivych metaŭ stvaryŭ złačynnuju schiemu pa dastaŭcy na «Ivacevičdreŭ» impartnaj syraviny pa zavyšanych cenach praz padkantrolnyja zamiežnyja kampanii.
Z 2014 hoda asnoŭnymi pastaŭščykami miełaninu dla pradpryjemstva vystupali šatłandskaja i litoŭskaja kampanii. Było vyjaŭlena, što ich uładalnikam źjaŭlajecca syn Uładzimira Šulhi, a taksama blizkaja znajomaja syna Nieplachovič A. V. Dadzienyja kampanii kuplali miełanin u kitajskich vytvorcaŭ pa canie ad 750 da 800 dalaraŭ za adnu tonu, a zbyvali pradpryjemstvu pa canie ad 1350 da 1400 jeŭra za adnu tonu. U vyniku «Ivacevičdreŭ» panios straty ŭ pamiery bolš za 220 tysiač jeŭra.
Fihurantaŭ hetaj spravy zatrymali. U dačynieńni da ich była raspačataja kryminalnaja sprava pa častcy 3 artykuła 424 Kryminalnaha kodeksa Respubliki Biełaruś.