Jeŭraparłamient prahałasavaŭ za ŭviadzieńnie reformaŭ pa zabieśpiačeńni biaspłatnaha roŭminhu i roŭnaści prava dostupu da internetu ŭ ES. Novyja praviły ŭ śfiery jeŭrapiejskich telekamunikacyj pačnuć dziejničać letam 2017 hoda, piša Deutsche Welle.
Z 15 červienia 2017 hoda ŭnutry Jeŭrasajuza budzie admienienaja płata za roŭminh i zakanadaŭča zamacavanaja roŭnaść prava dostupu da internetu. Deputaty Jeŭraparłamienta ŭ čaćvier, 6 krasavika, prahałasavali za pastanovu, jakaja rehuluje ŭzajemaraźliki jeŭrapiejskich apierataraŭ mabilnaj suviazi.
Zakon ab roŭnaści dostupu da internetu (sietkavaha niejtralitetu) zaklikany vyklučyć dyskryminacyju i abmiežavańni ŭ śfiery sietkavaha trafiku. Heta tyčycca jak pastaŭščykoŭ pasłuh, tak i karystalnikaŭ. Mahčymaść pryniaćcia zakona vyklikała krytyku z boku antyhłabalistaŭ i abaroncaŭ pravoŭ spažyŭcoŭ. Pa ich dumku, u novych umovach bujnyja amierykanskija internet-kancerny, naprykład, Google, Apple abo Netflix, mohuć jašče bolš umacavać svaje pazicyi na fonie bolš drobnych kankurentaŭ.
