Paśla trahiedyi ŭ Sankt-Pieciarburhu ŭsie prablemy adyšli na zadni płan. Pra heta ŭ intervju telekanału «Mir» zajaviŭ Alaksandr Łukašenka.
kremlin.ru
3 krasavika, kali adbyŭsia terakt u pieciarburhskim mietro, u horadzie ź vizitam znachodziŭsia kiraŭnik Biełarusi.
«Vy viedajecie, što byli šmatlikija supiarečnaści, prablemy ŭ adnosinach Biełarusi i Rasii pa peŭnych pytańniach. I heta napružvała i mianie, i prezidenta Pucina. Usio było niepryjemna, tym bolš pamiž našymi dziaržavami. I my rychtavalisia da hetaj sustrečy, i my idziem na hetuju sustreču. Tut adbyvajecca jak raz paralelna ŭ hety ž momant terarystyčny akt. I ŭsio voś hetyja prablemy, jakimi my žyli, moža być, niekalki miesiacaŭ da našaj sustrečy - my byli poŭnyja rašučaści paspračacca, raśsiačy hety Hordzijeŭ vuzieł, — usie jany adyšli na zadni płan. My zrazumieli sapraŭdnuju kaštoŭnaść u hetym žyćci. Nu što takoje sprečki pa nafcie, pa hazie i inšym, kali niečakana ŭ ciabie pad nosam adbyvajecca terarystyčny akt i hinuć ludzi, jakich my pavinny abaranić», — skazaŭ Łukašenka.
Taksama adznačajecca, što ŭ čas razmovy hałoŭnaja ŭvaha była ŭdzielena temie intehracyi na postsavieckaj prastory. Alaksandr Łukašenka hruntoŭna raspavioŭ pra stan i pierśpiektyvy biełaruska-rasijskich adnosin. U pryvatnaści, abmiarkoŭvalisia pytańni raźvićcia handlova-ekanamičnaha supracoŭnictva, praviadzieńnia sumiesnych stratehičnych vučeńniaŭ «Zachad-2017», vyniki niadaŭniaj sustrečy prezidentaŭ Biełarusi i Rasii ŭ Sankt-Pieciarburhu. Łukašenka taksama adkazaŭ na aktualnyja pytańni ab biaśpiecy ŭ rehijonie i baraćbie z teraryzmam u śviecie.