30 studzienia Biełaruś raźvitvajecca z narodnym artystam Alaksandram Cichanovičam, jaki pamior 28 studzienia ŭ Minsku na 65-m hodzie žyćcia.
U paniadziełak, 30 studzienia, u chramie Alaksandra Nieŭskaha na vulicy Kazłova, 11 u 7.45 pačałasia paminalnaja liturhija, paśla jaje adbudziecca adpiavańnie.
Chram Alaksandra Nieŭskaha na Vajskovych mohiłkach byŭ abrany nie vypadkova. Artyst, kvatera jakoha znachodzicca ŭ rajonie CUMa, byŭ nie tolki viernikam hetaha chrama, ale i pieŭčym, paviedamlaje Tut.by
Chram poŭny ludziej, na liturhii i adpiavańni prysutničaje ŭsia siamja, u tym liku i ŭnuk Vania. Raźvitacca z artystam pryjechali taksama siabry i kalehi pa cechu. Adnym ź pieršych - Rusłan Alachno.
Hramadzianskaja panichida projdzie ŭ Biełaruskaj dziaržaŭnaj fiłarmonii z 11.00 da 14.00.
Narodny artyst Biełarusi budzie pachavany na Uschodnich mohiłkach, pobač z mahiłaj baćki.