Upraŭleńnie Śledčaha kamiteta pa Viciebskaj vobłaści zaviaršyła rasśledavańnie kryminalnaj spravy pa abvinavačvańni žychara Dubrovienskaha rajona ŭ zabojstvie svajoj maci, invalida 1-j hrupy.
Trahiedyja adbyłasia 17 lipienia 2016 hoda. 37-hadovy žychar adnaho z ahraharadkoŭ Dubrovienskaha rajona pryjšoŭ paśla pracy dadomu, dzie znachodzilisia maci i jaje sužyciel. Maci da taho času ŭžo była ŭ stanie ałkaholnaha apjanieńnia, što aburyła syna, bo jon niehatyŭna staviŭsia da ŭžyvańnia joju ałkaholu.
U vyniku kanfliktu syn niekalki razoŭ udaryŭ maci rukami pa hałavie, kab aćviarezić jaje.
Uviečary, kali doma zastalisia tolki maci i syn, kanflikt pradoŭžyŭsia. Syn niekalki razoŭ udaryŭ maci rukami, a taksama schapiŭ muchabojku i nanios joj udary pa roznych častkach cieła. Praź niekalki hadzin 56-hadovaja žančyna pamierła.
Syn vyklikaŭ chutkuju dapamohu, jakaja vyznačyła, što naniesienyja cialesnyja paškodžańni stali pryčynaj śmierci.