«Cudy zdarajucca: siońnia ŭ rodavaj chacie Šutovičaŭ my znajšli dźvie nieviadomyja karciny Piotry Sierhijeviča», — piša ŭ svaim fejsbuku Pavieł Sieviaryniec.
«Siońnia z režyseram Alaksiejem Turovičam pajechali pa miaścinach 100-hodździa BCHD — usio-taki dzień narodzinaŭ litaraturaznaŭcy, redaktara, siabra CK BCHD Janki Šutoviča. U vioscy Šutavičy pad Smarhoniami znajšli dom, dzie naradzilisia j žyli i Jan, i jahony dziad́ka, taksama siabra BCHD, lehiendarny ksiondz Viktar Šutovič.
Zaraz dom vykupiŭ pradprymalnik Stanisłaŭ (razmaŭlaje pa-biełarusku). Pakul ahladali dom — znajšli dźvie nieviadomyja karciny Piotry Sierhijeviča. Aleś Maračkin hatovy pałotny restaŭravać. Muziei Kupały i Łuckieviča hatovyja pryniać novaha Sierhijeviča na bałans. A ŭ samim domie varta adčynić muzej Šutovičaŭ — spadar Stanisłaŭ pahadziŭsia dapamahčy».
