Na terytoryi Biełarusi ŭ budučyni moža być pabudavanaja bolšaja kolkaść atamnych elektrastancyj, zajaviŭ na pres-kanfierencyi 25 studzienia ŭ Minsku staršynia prezidyuma Nacyjanalnaj akademii navuk (NAN) Uładzimir Husakoŭ.
«My ličym, što heta nie apošniaja atamnaja stancyja na terytoryi Biełarusi, — skazaŭ jon. — Moža być, ja apiaredžvaju, ale my miarkujem, što buduć stvaracca jašče atamnyja stancyi, moža być, u 2030 hodzie».
«Heta abjektyŭna, tamu što kali my stavim zadaču pa rezkim naroščvańni VUP i pavyšeńni ŭzroŭniu dabrabytu našaha naroda, my pavinny abaviazkova naroščvać svaju enierhietyku. Jakaja efiektyŭnaść enierhietyki i ŭzrovień enierhazabieśpiačeńnia, takaja i efiektyŭnaść ekanomiki. U nas siońnia pakul niedastatkovaje enierhazabieśpiačeńnie i enierhaefiektyŭnaść, tamu nam treba ŭ hetym napramku vielmi aktyŭna pracavać», — dadaŭ kiraŭnik NAN.
Husakoŭ adznačyŭ, što akademija navuk adkazvaje za navukovaje supravadžeńnie budaŭnictva Biełaruskaj AES, a paśla zapusku stancyi praciahnie pravodzić na joj navukovuju pracu ŭ halinie jadziernaj enierhietyki.
Akramia hetaha, skazaŭ navukoviec, NAN zajmajecca raźvićciom technałohii pa atrymańni enierhii ź inšych krynic. «My aktyŭna pracujem u halinie soniečnaj, vadarodnaj enierhietyki, enierhietyki miascovych resursaŭ, nietradycyjnaj enierhietyki — na pierśpiektyvu», — padkreśliŭ Husakoŭ.