Za paŭtara miesiaca da parłamienckich vybaraŭ u Niderłandach premjer-ministr krainy Mark Rute zrabiŭ hučnuju zajavu. Jon skazaŭ, što nichto nie trymaje ŭ jaho krainie ludziej, jakija nie padzialajuć jaje kaštoŭnaści, piša VVS.
Getty
«Albo pavodźcie siabie prystojna, albo źjazdžajcie», — zajaviŭ Rute, dadaŭšy, što hałandcam nie padabajecca, kali ludzi, jakija byccam by pryjechali da ich u krainu ŭ pošukach svabody, parušajuć asnovatvornyja pryncypy hetaj svabody.
Miascovyja palitołahi ličać, što za košt takoha rezkaha vypadu na adras mihrantaŭ i biežancaŭ Rute spadziajecca pierad vybarami ŭmacavać pazicyi svajoj Narodnaj partyi za svabodu i demakratyju.
Ciapier u apytańniach partyja Rute idzie naroŭni z antymihranckaj Partyjaj svabody, što rezka nabrała za apošnija miesiacy papularnaść, pad kiraŭnictvam Hierta Viłdersa, jaki sam niekali byŭ siabram Narodnaj partyi za svabodu i demakratyju.
Viłders ŭžo nazvaŭ śviežaje vykazvańnie Rute iłžyvym. Apazicyjny palityk abvinavaciŭ premjera ŭ kryvadušnaści, zajaviŭšy, što toj pravodziŭ palityku adčynienych dźviarej, a ciapier sprabuje padniać rejtynh vypadami ŭ adras mihrantaŭ.
Palitołahi adznačajuć, što na hety raz hałoŭnaj temaj pieradvybarčaj kampanii — upieršyniu za doŭhija hady — stali nie finansavaja palityka ŭrada i nie ekanamičnyja pierśpiektyvy, a nacyjanalnaje pytańnie.
Parłamienckija vybary ŭ Niderłandach zapłanavanyja na 15 sakavika. Choć rejtynhi partyj Rute i Viłdersa pakul blizkija, adznačajecca, što apošnim navat u vypadku pieramohi naŭrad ci ŭdasca sfarmavać urad, bo mała chto pahodzicca ŭstupić ź im u kaalicyju.