Kamitet Viarchoŭnaj rady Ukrainy pa pytańniach nacyjanalnaj biaśpieki vyklučyŭ sa svajho składu deputata Nadzieju Saŭčanka, paśla taho, jak jana apublikavała śpis ukrainskich vajskoŭcaŭ, jakija znachodziacca ŭ pałonie va ŭzbrojenych farmiravańniaŭ na ŭschodzie krainy, paviedamlaje VVS.
U svaim rašeńni kamitet adznačyŭ, što prymaje jaho z metaj nie dapuścić dalejšaha vydavańnia infarmacyi, jakaja adnosicca da dziaržaŭnaj tajamnicy. Kamitet taksama paabiacaŭ źviarnucca ŭ prakuraturu, kab taja pravieryła, ci nielha ličyć dziejańni Saŭčanka dziaržzdradaj.
Sama Saŭčanka admoviłasia ličyć ich takimi i zajaviła, što nie parušała ŭkrainskich zakonaŭ i ŭmieje zachoŭvać dziaržaŭnuju tajamnicu. Jana taksama paabiacała i dalej naviedvać pasiadžeńni kamiteta, niahledziačy na vyklučeńnie ź jaho składu.
