Pra heta paviedamili ŭ Ministerstvie infarmacyi Biełarusi.
Siarod krain, jakija buduć demanstravać sioleta svaju pradukcyju na vystavie: Biełaruś, Vialikabrytanija, Vieniesueła, Hiermanija, Hrecyja, Iran, Italija, Kazachstan, Kitaj, Kareja, Kuba, Litva, Palestyna, Polšča, Rasija, Siryja, ZŠA, Turkmienistan, Turcyja, Ukraina, Finlandyja, Francyja, Šviejcaryja, Šviecyja, Ekvador. Hrecyja stanie ŭdzielnikam vystavy ŭ Minsku ŭpieršyniu, padkreślili ŭ ministerstvie.
Kraina-hanarovy hość XXIV Minskaj mižnarodnaj knižnaj vystavy-kirmašu — Złučanaje Karaleŭstva Vialikabrytanii i Paŭnočnaj Irłandyi. Bujnyja kalektyŭnyja ekspazicyi pradstaviać Rasija, Hiermanija, Kitaj, Iran, ZŠA.
Hałoŭnyja temy ciapierašniaj vystavy — 500-hodździe biełaruskaha knihadrukavańnia, jubilei kłasikaŭ biełaruskaj litaratury Jakuba Kołasa i Janki Kupały.
U prahramie vystavy 8—9 lutaha — Treci mižnarodny simpozium litarataraŭ «Piśmieńnik i čas» z udziełam znakavych piśmieńnikaŭ blizkaha i dalokaha zamiežža, a taksama sieminar maładych litarataraŭ.
Upieršyniu adbudziecca ŭznaharodžańnie pieramožcaŭ konkursu maładych litarataraŭ «Pieršaćviet», zasnavalnikam jakoha źjaŭlajecca Ministerstva infarmacyi Biełarusi, arhanizatarami — RVU «Vydaviecki dom «Źviazda», vydaviectva «Mastackaja litaratura».
XXIV Minskaja mižnarodnaja knižnaja vystava-kirmaš projdzie ŭ administracyjnym kompleksie pa praśpiekcie Pieramožcaŭ, 14. Arhanizatary vystaŭki — Ministerstva infarmacyi Biełarusi, soorhanizatory — Minski haradski vykanaŭčy kamitet, AAT «Biełkniha» i PK TAA «Makbieł».