Pałačan padazrajuć u niezakonnaj pradprymalnickaj dziejnaści, bo jany nabyvali škłoamyvalnik ź pieravyšanym utrymańniem mietanołu ŭ Rasii, i sprabavali pradavać jaho u Biełarusi.
Pra heta Jeŭraradyjo paviedamiła aficyjny pradstaŭnik Śledčaha kamiteta pa Viciebskaj vobłaści Śviatłana Sacharava.
«Hetaja nizkazamiarzajučaja škłoamyvalnaja vadkaść nie adpaviadaje patrabavańniam zakanadaŭstva Biełarusi ŭ vobłaści sanitarna-epidemijałahičnaj biaśpieki nasielnictva».
Raniej ŚMI sa spasyłkaj na Departamient finansavych raśledavańniaŭ KDK paviedamili pra zatrymańnie fury sa srodkam, padobnym da «hłohu», jakim u Rasii śmiarotna atruciłasia kala sta čałaviek.
Sapraŭdy, u Rasii «hłoham» atrucilisia mienavita praz utrymańnie ŭ im mietanołu, jaki ŭtrymlivajecca i ŭ zatrymanym u Biełarusi škłoamyvalniku. Ahułam hetaj vadkaści ŭ fury było 5600 kanistr ci 28 tysiač litraŭ.
