Ankara skončyła budaŭnictva bietonnaj ściany na miažy ź Siryjaj i Irakam. Jak piša Deutsche Welle, pra heta ŭ subotu, 14 studzienia, paviedamiła dziaržaŭnaje ahienctva Anadolu. Daŭžynia ściany — 330 kiłamietraŭ.
Ściana na miažy Turcyi i Siryi.
Jašče na adrezku 191 kiłamietr ŭźviali zaharodu z kalučaha drotu.
Dziakujučy mieram pa ŭmacavańni miežaŭ, Turcyja ŭ 2016 hodzie praduchiliła bolš za 57 tysiač sprob ich niezakonnaha pierasiačeńnia, piša Anadolu. Kala 90 pracentaŭ hetych sprob byli ździejśnienyja na turecka-siryjskaj miažy. Absalutnaja bolšaść z 420 tysiač zatrymanych pry sprobie nielehalnaha pierasiačeńnia miažy — siryjcy.
Jašče ŭ listapadzie ministr nacyjanalnaj abarony Turcyi Fikry Yšyk zajaviŭ, što budaŭnictva ściany skončycca tolki ŭletku 2017 hoda. Praciahłaść adnoj tolki turecka-siryjskaj miažy bolš za 800 kiłamietraŭ, tak što pabudavanaja ściana nie zakryvaje jaje całkam.
U svaju čarhu i Bałharyja uzvodzić časovuju ścianu na miažy z Turcyjaj. Budaŭnictva pačałosia ŭ 2014 hodzie, za minułyja hady Safija vydatkavała na hetyja mety bolš za 50 młn dalaraŭ.
