Deputat Viarchoŭnaj rady Ukrainy Nadzieja Saŭčanka apublikavała śpisy pałonnych i źnikłych bieź viestak u svaim fejsbuku, paviedamlaje »Ukrainskaja praŭda».
Unian
Saŭčanka zajaviła, što publikavać śpisy nieabchodna dla taho, kab ludziej «možna było znajści».
Jana taksama napisała, što abmien «usich na ŭsich» pavinien adbycca ŭ try etapy.
«Etap pieršy: ažyćciaŭlajecca abmien pa śpisach, jakija paćviardžaje kožny bok. Etap druhi: z tych, chto zastaŭsia ŭ śpisach, adšukvajucca pa schavanych turmach i padvałach, adnym i druhim bokam, usie pałonnyja, jakija zastalisia žyvyja. Etap treci: usie, kaho znajści nie ŭdałosia, pryznajucca miortvymi abo bieź viestak źnikłymi», — napisała jana.
«Paśla čaho pačynajecca praca pa adšukvańni pachavańniaŭ, ekshumacyi, identyfikacyi i pierapachavańni zahinułych», — dadała Saŭčanka.
Na minułym tydni Słužba biaśpieki Ukrainy abiacała pravieści tłumačalnuju pracu z Saŭčanka, kab praduchilić publikacyju hetych śpisaŭ. Jak kazaŭ daradca kiraŭnika SBU Juryj Tandzit, dadzienyja ab pałonnych i źnikłych bieź viestak na Danbasie ni ŭ jakim vypadku nielha raspaŭsiudžvać, bo heta moža naškodzić nie tolki zatrymanym, ale i ich blizkim.
Pradstaŭnik SBU padkreślivaŭ pry hetym, što sami śpisy śpiecsłužbie viadomyja.
