AFP
Abrany prezident ZŠA Donald Tramp nazvaŭ dobryja rasijska-amierykanskija adnosiny stanoŭčym. Na jaho dumku, tolki «tupyja ludzi, ci durni» mohuć ličyć, što dobrazyčlivyja adnosiny pamiž dźviuma krainami — heta drenna.
Tramp napisaŭ u «Tvitary», što «mieć dobryja adnosiny z Rasijaj — heta dabro, a nie štości drennaje». «Tolki» tupyja «ludzi, ci durni, mohuć ličyć, što heta drenna!», — dadaŭ jon. «U nas i tak dastatkova prablem pa ŭsim śviecie, kab mieć jašče adnu», — praciahnuŭ Tramp u nastupnym tvicie.
Jon adznačyŭ, što paśla jaho ŭstupleńnia na pasadu prezidenta Rasija budzie značna bolš pavažać ZŠA, čym ciapier.
«My razam, moža być, papracujem nad rašeńniem vialikich i nadzionnych suśvietnych prablem», — taksama napisaŭ Tramp.
0
0
0
0
0
0
