Muziej architekturnych minijaciur adkryjecca ŭ Minsku 24 śniežnia, paviedamili ŭ muziei.
Ekspazicyja muzieja architekturnych minijaciur biełaruskich słavutaściej «Kraina mini» ŭklučaje 15 makietaŭ, jašče try źjaviacca da kanca studzienia budučaha hoda, a ŭ dalejšym płanujecca pašyryć kalekcyju da 70 ekspanataŭ.
U muziei možna ŭbačyć makiety viadomych zamkaŭ - Niaśvižskaha, Lidskaha i Kosaŭskaha, a taksama Žyrovickaha manastyra, Troickaha pradmieścia, pałaca Rumiancavych-Paskievičaŭ, łandšaftaŭ Biełaviežskaj puščy, dyjaramy Bresckaj krepaści i inš.
Kožny makiet — heta adnoŭlenaja dakładnaja kopija słavutaści i navakolla. Akramia hetaha, na makietach adlustravany histaryčnyja sceny. Hości muzieja zmohuć stać aktyŭnymi ŭdzielnikami ekskursii pa ekspazicyi, pakolki kožny makiet interaktyŭny. «U pryvatnaści, hości zmohuć ubačyć «Krainu mini» ŭ režymie «dzień-noč». Kali budzie hasnuć vierchniaje śviatło, u voknach zamkaŭ i pałacaŭ zapalacca ahni», - raskazaŭ aŭtar prajekta Jaŭhien Danilik.
U muziei jość fotazona, aformlenaja ŭ nacyjanalnych matyvach, mini-kafe i zona adpačynku, suvienirnaja krama, dziciačaja studyja i lekcyjnaja zona. Płanujecca pravodzić tematyčnyja sieminary, kanfierencyi i majstar-kłasy, u tym liku pa vyrabie minijaciurnych makietaŭ.
Muziej architekturnych minijaciur biełaruskich słavutaściej «Kraina mini» raźmiaściŭsia ŭ Respublikanskim pałacy kultury prafsajuzaŭ.
