Siońnia ranicaj Siarhiej Michałok i Ko abviaścili pra kancert 30 śniežnia ŭ staličnym Prime Hall. I ŭžo da dźviuch hadzin dnia biełarusy skupili 70% kvitkoŭ, piša tut.by.
U 2014-m hałoŭnaja hrupa Biełarusi na čale ź Siarhiejem Michałkom abviaściła pra raspad. Ale Siarhiej Michałok nie hatovy tak prosta adpuścić toj niejmavierny stan i atmaśfieru, jakija byli na kancertach kalektyvu ŭ raniejšyja časy. «Lapis-98» — heta barabany Dzianisa Šurava, bas Dzianisa Sturčanka, trambon Ivana Hałuški, truba Uładzisłava Siankieviča i hitara Paŭła Traciaka. I miarkujučy pa aktyŭnym starcie prodažaŭ, nie hatovyja adpuskać hurt i biełaruskija prychilniki.
Nahadajem, što ŭ pačatku krasavika 2016 hoda Michałok abviaściŭ ab stvareńni prajekta «Lapis-98» — hurtu, jaki budzie vykonvać chity «Lapisa Trubiackoha», stvoranyja za apošnija 25 hadoŭ. Pieršy kancert adbyŭsia 21 krasavika ŭ Charkavie, paśla čaho hurt vystupaŭ u Kijevie, Lvovie, Adesie, Prazie, Hamburhu i inšych haradach. U Minsku kancert projdzie ŭpieršyniu.
