Znakamity rasijski akcior Kanstancin Chabienski źjazdžaje z krainy, napisała vydańnie «Dni.ru». Jon kupiŭ sabie kvateru ŭ Ispanii, a dačku, jakoj jašče nie spoŭniłasia i hoda, zapisaŭ u katalickuju škołu.
mn.ru
Kvatera, jakuju Chabienski nabyŭ u kurortnym miastečku Płaja-de-Ara za 265 tysiač jeŭra, adnosna nievialikaja — 98 kvadratnych mietraŭ.
Možna było b vykazać zdahadku, što akcioru hetaja kvatera patrebnaja tolki na čas adpačynku, adnak Chabienski zapisaŭ svaju maleńkuju dačku Alaksandru u katalickuju škołu hetaha miastečka. Košt navučańnia tam składaje 500 jeŭra ŭ miesiac. Kab patrapić u hetuju škołu, baćkam prychodzicca zapisvać dzicia za niekalki hadoŭ da pačatku pastupleńnia va ŭstanovu.
Starejšy syn Chabienskaha Ivan taksama vučycca ŭ katalickaj škole Śviatoha Ihnasia ŭ Barsiełonie. Heta napałovu dziaržaŭnaja navučalnaja ŭstanova, i atrymanaja tam adukacyja cenicca vyšej, čym u municypalnych navučalnych ustanovach.
Sam Chabienski abvierh infarmacyju pra toje, što jon sabraŭsia źjechać z Rasii. «Heta skazaŭ niechta inšy, ale nie ja», — adznačyŭ jon u kamientary radyjostancyi «Havoryć Maskva».