Siońnia ranicaj u Niaśvižski RAUS pastupiła paviedamleńnie ab tym, što litaralna ŭ centry horada Niaśviža razhulvaje dzik, stvarajučy pahrozu napadu na ludziej.
Pra heta paviedamlaje UUS Minabłvykankama.
Učastkovy inśpiektar milicyi zaśpieŭ dzikuju žyviołu niepadalok ad dziciačaha sadka. Vykarystańnie zbroi tut jon paličyŭ niebiaśpiečnym, tamu byli zroblenyja zachady, kab nakiravać dzika ŭ bolš biaźludnaje miesca. Pry hetym kaban pavodziŭ siabie ahresiŭna i navat sprabavaŭ napaści na minaka.
U hetaj situacyi milicyjant pryniaŭ rašeńnie vykarystać tabielnuju zbroju. Dvuma prycelnymi strełami dzik byŭ zabity.
Trup žyvioły kanfiskavany rabotnikami Niaśvižskaj vietstancyi dla praviadzieńnia adpaviednych ekśpiertyz.
Dziejańni supracoŭnika milicyi rehłamientavany art.29 Zakona «Ab orhanach unutranych spraŭ Respubliki Biełaruś», zhodna ź jakoj dapuskajecca vykarystańnie zbroi dla abiasškodžvańnia žyvioły, jakaja niepasredna pahražaje žyćciu abo zdaroŭju hramadzian.
