Ministerstva finansaŭ z 1 listapada panizić ceny na kaštoŭnyja mietały ŭ vyrabach i łomie, što skuplajucca ŭ fizičnych asob (akramia kupli-prodažu bankaŭskimi i niabankaŭskimi kredytna-finansavymi arhanizacyjami kaštoŭnych mietałaŭ u vyhladzie miernych źlitkaŭ i maniet u fizičnych asob). Adpaviednaja infarmacyja raźmieščanaja na sajcie viedamstva.
Cana za hram zołata ŭ vyrabach i łomie źniziłasia na 10% (375-j proby — da Br24,53, 500-j proby — da Br32,71, 583-j i 585-j prob — da Br38,26).
Košt płaciny 950-j proby ŭ vyrabie i łomie źmienšycca amal na 20% i składzie Br47,40.
Srebra ŭ vyrabach i łomie buduć skuplać tańniej na 17% (750-j proby - pa Br0,68, 800-j proby — pa Br0,73, 875-j proby — pa Br0,8).
Cana za zubnyja pratezy, elemienty zubnych pratezaŭ z zołatam 900/750-j proby źnizicca na 10% da Br57,89, na elemienty zdymnych zubnych pratezaŭ sa spłavu zołata 750-j proby z płacinaj i srebram — da Br53,62. Hram detalej zubnych pratezaŭ srebna-paładyjevaha spłavu budzie kaštavać Br7,09 (na 9,6% mienš).
Apošni raz ceny na skupku vyrabaŭ i łomu z kaštoŭnych mietałaŭ u fizičnych asob u Biełarusi źmianialisia 22 žniŭnia, tady jany byli pavyšany.
